“İnter”in iki futbolçusu Gürcüstan yığmasına çağırılıb

Kaxaber Tsxadadze öz keçmiş komandasını unutmur.
Daha öncə Bakının “İnter” komandasına rəhbərlik edən, Gürcüstanın futbol üzrə yığmasının baş məşqçisi Kaxaber Tsxadadze öz keçmiş komandasının iki futbolçusunu milli komandaya çağırıb.
Oxu.Az xəbər verir ki, Gürcüstan yığması Şotlandiya və İrlandiya ilə oynayacaq. Bu komandalar ilə oynamaq şansı 24 futbolçuya nəsib olacaq, onların sırasında “İnter”in oyunçuları Zurab Xizanişvili və Nika Kvekveskiri də var.
Siyahıda həmçinin, daha öncə Azərbaycanda oynayan futbolçular da yer alıb. Bu, indi alban komandası “Flyamurtar” üçün oynayan Georgi Popxadze və Baçana Tsxadadze, eləcə də Türkiyənin “Karşıyaka” klubundan Aleksandr Amisulaşvilidir.
Gürcüstan-Şotlandiya matçı sentyabrın 4-də Tbilisidə keçiriləcək, İrlandiya yığmasıyla isə Tsxadadzenin komandası Dublində sentyabrın 7-də oynayacaq.