Avropa çempionatı başlayır - İlk gündə 4 cüdoçumuz

Bu gün Polşanın paytaxtı Varşavada cüdo üzrə Avropa çempionatı start götürür.

Realfakt.az “Qafqazinfo”-ya istinadən xəbər verir ki, kişilərdə 60, 66, qadınlarda isə 48, 52, 57 kiloqram çəki dərəcələri üzrə qaliblərin müəyyənləşəcəyi ilk gündə 4 təmsilçimiz tatami üzərinə çıxacaq.

Kişilər, 60 kq

Burada ölkəmiz son iki əsas qitə yarışın gümüş mükafatçısı Orxan Səfərovla təmsil olunacaq. 25 yaşlı cüdoçumuz mübarizəyə 1/16 finaldan başlayacaq ki, onun rəqibi hələ müəyyənləşməyib. Bu, slovakiyalı Matyaz Trboviçlə almaniyalı Moritz Plakfinin 1/32 final görüşünün nəticəsinə əsasən bəlli olacaq.


66 kq
Nicat Şıxəlizadə də Orxan kimi 1/16 finaldan mübarizəyə qoşulacaq. Lakin, Səfərovdan fərqli onun rəqibi artıq məlumdu. Bu, almaniyalı Manuel Şeybeldi.

Qadınlar, 48 kq
Ölkəmizi qadınların ən yüngül çəki dərəcəsində ölkəmizi Aişə Qurbanlı təmsil edir. 24 yaşlı cüdoçumuzun ilk görüşü 1/16 finala təsadüf edir ki, o, mükafatlar uğrunda mübarizəni davam etdirmək üçün türkiyəli Gülkadər Şəntürkü üstələməlidi.

52 kq
Antalya Qran Pri-sinin bürünc mükafatçısı Nəzakət Əzizova Avropa çempionatında ilk görüşünü 1/16 final mərhələsində macarıstanlı Reka Puppa qarşı keçirəcək.