Yunanıstan yola qadınla davam edəcək
dunya
28-08-2015, 10:29
890
![Yunanıstan yola qadınla davam edəcək Yunanıstan yola qadınla davam edəcək](/uploads/posts/2015-08/thumbs/1440739748_11.jpg)
Yunanıstanın baş naziri Aleksis Sipras istefa veridikdən sonra konstitusiyaya uyğun olaraq seçkilərin sonunadək hökumətə Yunanıstan Ali məhkəməsinin sədri Vasilika Tanu-Xristofilunun başçılıq edəcəyi bildirilirdi.
Məlumata görə, artıq Yunanıstanın ilk qadın baş naziri vəzifəsinin icrasına başlayıb.
Müvəqqəti hökümətin digər 16 üzvünün adları bu gün açıqlanacaq. Tanu-Xristofilu Yunanıstanın 1974-cü ildə demoratik seçki sisteminə keçdikdən sonra hökümətə başçılıq edəcək 16-cı baş naziridir.
Yeni baş nazir Yunanıstan prezidenti Prokopis Pavlopulosun da iştirak etdiyi təntənəli mərasimlə and içdikdən sonra fəaliyyətə başlayıb. Mərasimdə keçmiş baş nazir Aleksis Sipras da iştirak edib.
Vasilika Tanu-Xristofilu və Aleksis Sipras
Yunanıstanın ilk qadın baş naziri-Vasilika Tanu-Xristofilu
65 yaşlı Vasilika Tanu-Xristofilu iyul ayından Yunanıstanın Ali məhkəməsinin sədri vəzifəsində çalışırdı. Avqustun 20-də Yunanıstanın keçmiş baş naziri Aleksis Sipras istefa verib.