Türkiyə Prezidenti ölkədə növbədənkənar parlament seçkilərinin keçirilməsi barədə qərar qəbul edib

Prezident Rəcəb Tayyib Ərdoğan avqustun 24-də Türkiyə Böyük Millət Məclisin (TBMM) sədri İsmət Yılmazı qəbul edib.
Anadolu Agentliyinin məlumatına görə, Türkiyənin dövlət başçısı yeni hökumətin qurulmaması səbəbindən ölkədə növbədənkənar parlament seçkilərinin keçirilməsi barədə qərar qəbul etdiyini TBMM sədrinin diqqətinə çatdırıb.
Məlumatda bildirilir ki, Prezident Rəcəb Tayyib Ərdoğan avqustun 25-də Ədalət və İnkişaf Partiyasının sədri, Baş nazir Əhməd Davudoğlunu qəbul edəcək.