OPEK neftlə bağlı razılığa gəldi: 2026-cı ilin sonuna qədər...

OPEK+ ölkələri 2026-cı ilin sonuna qədər gündəlik 39,7 milyon barrel xam neft hasilatı ilə bağlı razılaşma əldə edib.

Axar.az xəbər verir ki, bu barədə Azərbaycanın energetika naziri Pərviz Şahbazov X sosial şəbəkəsindəki hesabında məlumat yayıb.
"Razılaşmaya əsasən, bu müddət ərzində Azərbaycanın hasilat kvotası dəyişməz qalacaq. Bununla yanaşı, 8 ölkə 2023-cü ilin aprel ayında elan edilən gündəlik 1,65 milyon barrel əlavə könüllü ixtisar öhdəliklərini 2026-cı ilin dekabrına, 2023-cü ilin noyabrında elan edilən gündəlik 2,2 milyon barrel əlavə könüllü ixtisarları isə 2025-ci ilin mart ayının sonuna qədər davam etdirəcəklər", - nazir bildirib.
Həmçinin bu ölkələrin gündəlik 2,2 milyon barrel ixtisarları 2026-cı ilin sentyabr ayının sonuna qədər mərhələli şəkildə ləğv ediləcək.

P.Şahbazov qeyd edib ki, OPEC+ ölkələrinin bu razılaşmaları qlobal neft bazarının dayanıqlığını təmin etmək və neft sənayesinin davamlı inkişafına dəstək vermək baxımından mühüm əhəmiyyət daşıyır.