ABŞ-da satışa çıxarılan evin həbsxana otaqları var - FOTO

ABŞ-ın Missuri ştatının Fayet şəhərində XIX əsrdə inşa edilmiş ev satılır.

“Old House Calling” xəbər verir ki, satışa çıxarılan evin qeyri-adiliyi onun bir hissəsində həbsxana otaqlarının olmasıdır.

Evə sahib olmaq istəyən şəxs 350 min dollarından keçməlidir. Bina 1875-ci ildə inşa edilib və şəhərdə şerif kimi işləyən şəxsə məxsus olub.

Ev yaşayış üçün nəzərdə tutulan zona və həbsxana olmaqla hissəyə bölünür.

Evin həbsxana hissəsində doqquz kamera, dəmir çarpayılar və açıq ayaqyolu var.