İki rayonda sərtləşdirilmiş xüsusi karantin rejiminin tətbiqi dayandırıldı

Bu gündən etibarən Lənkəran şəhəri və Samux rayonunda sərtləşdirilmiş xüsusi karantin rejimi tətbiq edilmir.

Oxu.Az xəbər verir ki, bununla bağlı Nazirlər Kabineti yanında operativ qərargah iyulun 17-də qərar verib.

Bildirilib ki, Bakı, Cəlilabad, Gəncə, Masallı, Mingəçevir, Sumqayıt, Yevlax şəhərlərində və Abşeron, Bərdə, Goranboy, Göygöl, Xaçmaz, Siyəzən və Şəki rayonlarında isə mövcud sanitar-epidemioloji vəziyyətə uyğun olaraq 2020-ci il 5 avqust saat 06:00-dək sərtləşdirilmiş xüsusi karantin rejimi davam edəcək.