Tağı Əhmədov: "Onlar öz məqsədlərinə nail olmadılar"

Düşünürəm ki, xalqımızın növbəti seçkilərdə YAP-ın namizədlərinə etimad göstərəcəyi şübhəsizdir.
Qafqazinfo xəbər verir ki, bunu YAP-ın saytına müsahibəsində partiyanın Yasamal rayon təşkilatının sədri Tağı Əhmədov deyib.
O bildirib ki, Azərbaycanda bütün seçkilər azad və şəffaf keçirilib: "Amma müəyyən xarici qüvvələr ölkəmizin imicinə zərbə vurmaq üçün mühüm hadisələr ərəfəsində "fəallaşırlar". Bu "fəallığı" iyun ayında keçirilən birinci Avropa Oyunları zamanı da müşahidə etdik. Belə ki, həmin möhtəşəm tədbir ərfəsində və keçirildiyi zaman anti-azərbaycançı qüvvələr bütün imkanları Azərbaycanın əleyhinə yönəltmişdilər. Amma öz məqsədlərinə nail ola bilmədilər.
Hesab edirəm ki, qarşıdan gələn parlament seçkiləri də azad, şəffaf və ədalətli keçiriləcək. Bununla da, Azərbaycan bütün dünyaya demokratik dövlət olduğunu bir daha nümayiş etdirəcək. Və seçki amilindən sui-istifadə edərək ölkəmizə qarşı qərəzli kampaniyalar aparan qüvvələr bu dəfə də məqsədlərinə çatmayacaqlar".