Ərdoğan: Türkiyə ordusu İdlibə doğru irəliləyəcək

Hal-hazırda Türkiyə Silahlı Qüvvələrinin Suriyanın şimalında - Afrin bölgəsində apardığı “Zeytun budağı” əməliyyatı İdlibdə davam edəcək.

Realfakt.Az-ın “Habertürk”ə istinadən verdiyi xəbərə görə, bu bəyanatı Türkiyə prezidenti Rəcəb Tayyib Ərdoğan Ankaradakı çıxışında səsləndirib.

“Afrində aparılan əməliyyatlar İdlibdə davam edəcək. Bizim cənubda olan kürdlərlə heç bir problemimiz yoxdur. İşimiz yalnız hamıya məlum olan terrorçu qruplaşmalar – YPG/PYD, PKK və İŞİD-lədir”, - deyə Türkiyə lideri vurğulayıb.