Lavrov bu gün Azərbaycana gəlir

siyaset
6-04-2016, 15:44 1121
Lavrov bu gün Azərbaycana gəlir
Qarabağdakı vəziyyət müzakirə olunacaq.
Rusiya xarici işlər naziri Sergey Lavrov bu gün Bakıya gəlir.
APA-ya istinadən, bunu Rusiya Xarici İşlər Nazirliyinin xüsusi nümayəndəsi Mariya Zaxarova bu gün keçirdiyi brifinqdə bildirib.
Onun sözlərinə görə, S.Lavrov aprelin 7-də Bakıda keçiriləcək Azərbaycan, İran və Rusiya XİN başçılarının görüşündə iştirak edəcək.
“Nazirin bu səfəri son hadisələrlə əlaqədar daha vacib əhəmiyyət kəsb edir. Bakıda Sergey Lavrovun azərbaycanlı həmkarı Elmar Məmmədyarovla ikitərəfli görüşü də planlaşdırılır. Görüşdə Dağlıq Qarabağdakı vəziyyət də müzakirə olunacaq”, - deyə M.Zaxarova qeyd edib.