Dünyanı qorxuya salan virus Qusarda həyəcana səbəb oldu

Dünyanı lərzəyə salan donuz qripi virusunun Qusara ayaq açmaması üçün rayon xəstəxanası irəlicədən xüsusi tədbirlərə başlayəb.
ANS PRESS-in bölgə müxbirinin verdiyi məlumata görə, qonşu dövlətlərdə donuz qripi virusunun yayılması, insan ölümlərinin sayının artması Azərbaycanda mərkəzi səhiyyə qurumlarını hərəkətə keçirib.
Səhiyyə naziri Oqtay Şirəliyev qripin bu növünün yayılmasının qarşısını almaq, xəstəliklə ciddi mübarizə aparmaq üçün 2 xüsusi əmr imzalayıb. Artiq həmin əmrlərin rayonlarda, xüsusən sərhədyanı rayonların mərkəzi xəstəxanalarında icrasına başlanılıb.
Azərbaycanın şimal qapısında yerləşən Qusar rayon mərkəzi xəstəxanasında ayrıca giriş və çıxışı olan, digər xəstələrdən izolə olunan yoluxucu xəstəliklər şöbəsində 5 palata ayrılıb.
"Hər palatada bir xəstə yerləşmək şərtilə o palataları dərmanlar ilə təmin etmişik, birdəfəlik qoruyucu maskalar ilə müxtəlif dezinfeksiya edici məhlullarnan, xəstəyə lazım olan köçürmə məhlullarnan təmin edilib", - Qusar rayon mərkəzi xəstəxanasının yoluxucu xəstəliklər şöbəsinin müdiri Möhübəli Cəfərov bildirib.
Möhübəli Cəfərovun sozlərinə görə, rayonda hələlik donuz qripinə yoluxma şübhəsi olan xəstə aşkar olunmayib. Xaçmaz rayon mərkəzi xəstəxanasında da qonuz qripinə qarşı mübarizə çərçivəsində yoluxucu xəstəliklər şöbəsində 5 xüsusi palata ayrılıb.