ADMİU- da YAP-ın iclası keçirilib.

Dekabr ayının 3-ü Azərbaycan Dövlət Mədəniyyət və İncəsənət Universitetində YAP-ın Yasamal rayon təşkilatının sədri Tağı Əhmədovun iştirakı ilə Yeni Azərbaycan Partiyasının Yasamal rayonu üzrə təşkilatının iclası keçirilib. Universitetin

rektoru, professor-müəllim və tələbə heyəti iştirak edən iclasda Tağı Əhmədov çıxış edərək Ulu öndər Heydər Əliyev ideyaları, onun əsasında fəaliyyətini davam etdirən YAP-ın Prezident İlham Əliyevin sədrliyi ilə bu gün gördüyü işlərdən, məhz bu inkişaf, gənclərə dəstək, müsbət tərəfə dəyişiklikləri görən xalq arasında da

partiya sıralarına üzvlərin qəbulunun artması haqqında danışıb. Daha sonra Universitet üzrə YAP-nın sədri, Kulturologiya fakültəsinin dekanı, filologiya üzrə fəlsəfə

doktoru Vasif Adilov çıxış edərək Partiyaya üzv olmaq istəyən müəllim və tələbələri adını sadalayaraq, onları bir-bir iclasda təqdim edib. Rektor, professor Fərəh

Əliyeva da öz növbəsində Partiyaya üzv seçilmək istəyənlərin siyahısının daha çox olduğunu, lakin onun birbaşa öz nəzarəti ilə yalnız qabaqcıl, fəal müəllim və

tələbələrin seçildiyini qeyd edib. Tağı Əhmədov da bu seçimdən razılığını bildirib, keçirlən çoxlu sayda tədbirlərdə, layihələrdə onların yaxından iştirak edəcəyinə, Partiyanı layiqlə təmsil edəcəklərinə əmin olduğunu söyləyib. İclasda YAP-ın Yasamal rayonu üzrə təşkilatında pulsuz ingilis dili kurslarının fəaliyyəti və Partiyanın
bütün üzvləri kimi, yeni qəbul olunan üzvlərin də bu xidmətdən faydalana biləcəkləri qeyd olunub.