Gürcü prezident Sarkisyanı rədd etdi - Tiflis səfərinin sirri

dunya
12-11-2015, 14:42 778
Gürcü prezident Sarkisyanı rədd etdi - Tiflis səfərinin sirri Rusiyadan ayrılan 200 milyon kredit əsasında alınan müasir hərbi texnika yaxın vaxtlarda Ermənistana gətiriləcək.
Bu barədə “Aykakan Janamak” qəzeti xəbər yayıb.
Nəşr qeyd edir ki, Rusiyadan gələn silahların Gürcüstan öz ölkəsindən keçməsinə icazə vermir.
“Hərbi texnika Ermənistana olduqca çətin marşrut üzrə gətiriləcək. Rusiyadan onu Qazaxıstana, daha sonra İrana, oradan isə Ermənistana aparacaqlar. Məsələ bundan ibarətdir ki, Rusiya-Gürcüstan münaqişəsindən sonra Gürcüstan öz ərazisindən bizim ölkəmizə hərbi texnika gətirilməsinə imkan vermir. Nəticədə hərbi texnikanın gətirilməsi üçün belə uzun yol seçilib.
İşə yaxın olan mənbənin sözlərinə görə, Ermənistan prezidenti Serj Sarkisyan Gürcüstana səfəri zamanı bu məsələyə toxunub. Belə ki, 200 milyonluq kredit əsasında Ermənistan “İsgəndər” raketi ilə yanaşı, digər hərbi texnika (Smerts) da alıb ki, bu da texnikanın qısa yolla ölkəyə gətirilməsinə imkan vermir”, - deyə qəzet yazıb.
Qeyd edilib ki, Gürcüstan prezidenti Georgi Marqvelaşvili Sarkisyanın təklifinə müsbət cavab vermədiyi üçün silahların daşınma marşrutu dəyişib.