Cəzalandırılmış generallar akademiyaya göndərildi

İşdən çıxarılan generallar - Cümşüd Naxçıvanski adına Hərbi Liseyin rəisi, general-mayor Mirzə Almazov və Baş Hərbi İnspeksiyanın rəisi, general-mayor, Milli Qəhrəman Fəxrəddin Cəbrayılov müdafiə naziri, general-polkovnik Zakir Həsənovun əmri ilə Ali Hərbi Akademiyada dərs deməyə göndəriliblər.
Xatırladaq ki, prezident İlham Əliyev avqustun 14-də general Almazovu tutuduğu vəzifədən kənarlaşdırıb. Dövlət başçısının digər əmri ilə isə general Cəbrayılov tutduğu vəzifədən azad olunub.