Mətanət İsgəndərlinin qızı ikinci dəfə nişanını qaytardı

Əməkdar artist Mətanət İsgəndərlinin qızı Ülkər nişanını qaytarıb.
Buna səbəb əməkdar artistin qızının nişanlandığı bəylə xasiyyətlərinin uyğun gəlməməsi olub.
Məsələ ilə bağlı əməkdar artist M.İsgəndərli ilə əlaqə saxlanılıb. O isə mövzuya özünün yox, mətbuat katibi Zəminə Rüstəmovanın münasibət bildirəcəyini söylədi:
“Bu suala mən yox, mətbuat katibim cavab verəcək”.
Mətbuat katibi də xəbəri təsdiqləyib:
“Mətanət xanımın qızı Ülkər nişanını qaytarıb. Səbəbsə xasiyyətlərinin uyğun gəlməməsi olub. Ülkər hazırda ailə qurmaq barədə düşünmür. Bütün diqqətini təhsilinə yönəldib”.
Xatırladaq ki, M.İsgəndərlinin qızı Ülkərin nişanı 2013-ci il oktyabrın 30-da mediaya qapalı olmuşdu. Həmin vaxt əməkdar artistin qızının toyuna daxil olmaq istəyən media nümayəndələri restoranın qarşısında duran cangüdənlərin kobud rəftarı ilə üzləşmişdi.
Qeyd edək ki, bu M.İsgəndərlinin qızı 2009-ci ildə də başqa bir bəylə nişanlı olub. O zaman isə M. İsgəndərli qızının nişanı qaytarması ilə bağlı bu sözləri demişdi:
“Onları barışdırmaqdan hər iki valideynlər yorulub, qoy indidən yolların ayırsınlar, əgər bir-birlərini həqiqətən sevirlərsə, barışacaqlar”.