Allahşükür Paşazadə: “İran bizim qardaşımız deyil”

gundem
30-01-2023, 16:32 709
Allahşükür Paşazadə: “İran bizim qardaşımız deyil”“Biz bu hadisəni qınayırıq. İran bizim qardaşımız deyil, Ermənistanın qardaşıdır”.

Oxu.Az xəbər verir ki, bu fikirləri Orxan Əsgərovun ailəsini ziyarət edən Hacı Allahşükür Paşazadə deyib.
O bildirib ki, Azərbaycanda yaşayan bütün dinlərin nümayəndələri Orxan Əsgərovun ailəsinə başsağlığı verməyə gəliblər:
“Məqsəd ondan ibarətdir ki, bu gün bizim birlik olub bura gəlməyimiz ölkəmizdə olan milli birliyi, vəhdəti nümayiş etdirir. Çox heyifsilənirəm ki, Azərbaycana qonşu olan dövlət ölkəmizə qarşı ədavətli addımlar atır. Bunun nəticəsidir ki akopyanları müqəddəs yerlərə gətirib gəzdirirlər. Mən bunu İran xalqına şamil etməzdim, bu gün orada yaşayan qardaşlarımız başa düşürlər. Onlar bu gün İran, fars rejiminin əlində əsirdilər. İnanıram ki gələcəkdə həqiqət öz yerini tapacaq. Bu gün biz İrandan şəhid aldıq. Hansı ki, biz onları qardaş hesab edirdik. Artıq bilirik ki, İran bizim qardaşımız deyil, onlar Ermənistanın qardaşıdırlar. Buna görə də prezidentimiz dediyi kimi, biz də bunu terror aktı kimi bilirik. Bu məsələ araşdırılmalıdır”.