» » Müdafiə Nazirliyi ehtiyatda olanların hərbiyə çağırılması haqda xəbər yaydı


Müdafiə Nazirliyi ehtiyatda olanların hərbiyə çağırılması haqda xəbər yaydı

9-09-2015, 13:48
Oxunub: 533
Çap et
Müdafiə Nazirliyi ehtiyatda olanların hərbiyə çağırılması haqda xəbər yaydı “Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən keçirilən Komanda Qərargah Hərbi Oyunlarına ehtiyatdan çağırılan hərbi vəzifəlilər də qatılıb”.
Bu haqda Müdafiə Nazirliyinin mətbuat xidməti bildirib.
Rəsmi məlumata görə, sentyabrın 6-dan başlayan hərbi oyunlar çərçivəsində birləşmə və hissələrin səfərbərlik tapşırıqlarının yerinə yetirilməsi səviyyəsini yoxlamaq məqsədilə ehtiyatdan çağırılmış 6.000 nəfərdən artıq hərbi vəzifəli toplanışa cəlb olunub.
Döyüş hazırlığı çərçivəsində bu kateqoriyadan olan şəxsi heyətlə müxtəlif poliqonlarda real müharibəyə yaxın şəraitdə silah və hərbi texnikadan istifadə qaydalarına dair praktiki məşqlər, döyüş atışları, mənəvi-psixoloji hazırlıq və digər ixtisaslar üzrə hazırlıq təlimləri keçirilir.
Reytinq: